പുത്തനത്താണി : ആതവനാട്പഞ്ചായത്തിലെ സ്വകാര്യ വ്യക്തികള്‍ കയ്യേറിയ സര്‍ക്കാര്‍ പുറമ്പോക്ക് ഭൂമികള്‍ തിരിച്ച് പിടിക്കുന്നതിനുള്ള നടപടികള്‍ സ്വീകരിക്കണമെന്ന് ആതവനാട് സി.പി.ഐ ലോക്കല്‍ കമ്മിറ്റി ആവശ്യപ്പെട്ടു. പതിനാറാം വാര്‍ഡിലെ മുക്കിലപീടിക കുടിവെള്ള പദ്ധതിയുമായി ബന്ധപ്പെട്ട് സ്വകാര്യ വ്യക്തികള്‍ തടസ്സംനില്‍കുകയും താലൂക്ക് സര്‍വേയര്‍ ഭൂമിഅളക്കുകയും എ.ഡി.എം  തോടിനു ഇരുവശവും കയ്യേറ്റം ഉള്ളതായി കണ്ടെത്തുകയും ചെയ്തസാഹചര്യത്തില്‍ പഞ്ചായത്ത് ഭരണസമിതിയും ബന്ധപ്പെട്ട റവന്യൂ ഉദ്യോഗസ്ഥരും ജാഗ്രത പാലിക്കുകയും അടിയന്തിരമായി ഇടപെടണമെന്നും സി.പി.ഐ ആവശ്യപ്പെട്ടു. സി അച്ചുതന്‍ അധ്യക്ഷനായി. ടി.ജെ രാജേഷ്, പി ഉണ്ണികൃഷ്ണന്‍, ശിഹാബ്, പി പ്രസാദ്, എ സന്തോഷ് സംസാരിച്ചു.