തൊടുപുഴ: രണ്ട്  ബൈക്കുകളിലായി കടത്താന്‍ ശ്രമിച്ച ഒരു കിലോ കഞ്ചാവുമായി നാലു പേരെ എക്‌സൈസ് സംഘം തൊടുപുഴയില്‍ നിന്ന് പിടികൂടി.
കോട്ടയം മേലുകാവുമറ്റം പാറശ്ശേരിയില്‍ സാജന്‍ സാമുവല്‍(38),തിരുവന്തപുരം നെയ്യാറ്റിന്‍കര സഫര്‍ നിവാസില്‍ സഫര്‍(21), തൊടുപുഴ മണക്കാട് നടുത്തോട്ടില്‍ സജ്ഞയ്(21), തൊടുപുഴ കോലാനി പനയചാലില്‍ വിമല്‍(24) എന്നിവരെയാണ് അടിമാലി എക്‌സൈസ് ഇന്‍പെക്ടര്‍ എം.എസ്. ജനീഷിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
തൊടുപുഴ-ഇടുക്കി റോഡില്‍ മുട്ടം എന്‍ജിനീയറിങ് കോളജിന് സമീപത്തുനിന്ന് ഇന്നലെ രാവിലെയാണ് ഇവരെ പിടികൂടിയത്.
ഉദ്യോഗസ്ഥര്‍ ബൈക്കിന് കൈ കാണിച്ചിട്ടും നിര്‍ത്താതെ പോയി.പിന്നീട് പിന്തുടര്‍ന്നാണ് ഇവരെ പിടികൂടിയത്.
ഇവരില്‍ നിന്ന് രണ്ട് കത്തി, ഒരു വാക്കത്തി എന്നിവയും കണ്ടെടുത്തു.