തൊടുപുഴ: ലോക പരിസ്ഥിതി ദിനത്തോട് അനുബന്ധിച്ച്  തൊടുപുഴ ന്യൂമാന്‍ കോളജ് എന്‍.സി.സി വിഭാഗം സംഘടിപ്പിച്ച ആഘോഷ പരിപാടികള്‍ ശ്രദ്ധേയമായി.  
പ്രകൃതി സംരക്ഷണ സന്ദേശം പകര്‍ന്ന് വൃക്ഷത്തൈ വിതരണവും ഔഷധ സസ്യ നടീലും നടന്നു. പ്രകൃതി സംരക്ഷണ റാലി തൊടുപുഴ മുനിസിപ്പല്‍  ചെയര്‍പേഴ്‌സണ്‍ സഫിയ ജബ്ബാര്‍ ഉദ്ഘാടനം ചെയ്തു.
 പ്രിന്‍സിപ്പല്‍  ഡോ.വിന്‍സെന്റ് നെടുങ്ങാട്ട് അധ്യക്ഷനായി. 'ഒരു കേഡറ്റ് ഒരു മരം' എന്ന പദ്ധതിയുടെ ഉദ്ഘാടനം കോളജ് ബര്‍സാര്‍ ഫാ. തോമസ് പൂവത്തിങ്കല്‍ നിര്‍വഹിച്ചു.  എന്‍.സി.സി ഓഫിസര്‍  ലഫ്. പ്രജീഷ് സി മാത്യു സംസാരിച്ചു.  
പദ്ധതിയുടെ ഭാഗമായി നടന്ന വൃക്ഷത്തൈ വിതരണം കോളജ് വൈസ് പ്രിന്‍സിപ്പല്‍ റവ. ഡോ. മാനുവല്‍ പിച്ചളക്കാട്ട് നിര്‍വഹിച്ചു.