താമരശേരി: ഗവ. താലൂക്ക് ആശുപത്രിയില്‍ അടിയന്തരമായി ഗൈനക്കോളജിസ്റ്റുകളെ നിയമിക്കാന്‍ നടപടി സ്വീകരിക്കണമെന്ന് എസ്.ഡി.പി.ഐ പഞ്ചായത്ത് കമ്മിറ്റി യോഗം ആവശ്യപ്പെട്ടു. നിര്‍ധനരായ ഗര്‍ഭിണികളുടെ ജീവന്‍ കൊണ്ട് പന്താടുന്ന നിലപാടാണ് അധികൃതരുടെ ഭാഗത്തുനിന്ന് ഉണ്ടണ്ടാകുന്നത്. അഡ്മിറ്റാകുന്ന രോഗികളെ അവസാന നിമിഷത്തില്‍ ഡോക്ടര്‍മാരില്ലെന്നു പറഞ്ഞ് കോഴിക്കോട് മെഡിക്കല്‍ കോളജ് ആശുപത്രിയിലേക്കും മറ്റും വിടുകയാണ് ചെയ്യുന്നത്. ആശുപത്രിലേക്ക് ഗൈനക്കോളജി ഡോക്ടര്‍മാരെ നിയമിക്കാതെ രോഗികളെ വലക്കുന്നതിനു പിന്നില്‍ ഗൂഢലക്ഷ്യമുണ്ടണ്ടെന്നും ഇതിനെതിരേ ശക്തമായി പ്രതികരിക്കണമെന്നും യോഗം ആവശ്യപ്പെട്ടു.
പ്രസിഡന്റണ്ട് മുഹമ്മദ് കോരങ്ങാട് അധ്യക്ഷനായി. ജില്ലാ സെക്രട്ടറി സലീം കാരാടി, സെക്രട്ടറി സിറാജ് തച്ചംപൊയില്‍, അബൂബക്കര്‍ കാരാടി, നൗഫല്‍ വാടിക്കല്‍, സിദ്ദീഖ് ഈര്‍പ്പോണ, പി.പി നവാസ് നന്ദി സംസാരിച്ചു.