കൊണ്ടോട്ടി: അല്‍ഹിന്ദ് ട്രാവല്‍സ് കൊണ്ടോട്ടി ബ്രാഞ്ചിന്റെ കീഴില്‍ 'ഖുര്‍ആനിലെ ചരിത്ര ഭൂമിയിലൂടെ' ചരിത്ര പഠന ടൂര്‍ പാക്കേജിന്റെ 82ാം ബാച്ച് കരിപ്പൂര്‍ വിമാനത്താവളത്തില്‍നിന്ന് അമ്മാറിലേക്കു പുറപ്പെട്ടു. ഷാജഹാന്‍ റഹ്മാനി കംബ്ലക്കാടിന്റെ നേതൃത്വത്തിലുള്ള സംഘം ജോര്‍ദാന്‍, ഇസ്‌റാഈല്‍, ഫലസ്തീന്‍, ഈജിപ്ത് എന്നീ രാജ്യങ്ങളിലെ പ്രധാന കേന്ദ്രങ്ങള്‍ സന്ദര്‍ശിക്കും.
ബൈത്തുല്‍ മുഖദ്ദസില്‍ ജുമുഅ നിസ്‌കാരത്തിന് അവസരം ലഭിക്കുന്ന പത്തു ദിവസത്തെ സമ്പൂര്‍ണ ടൂര്‍ പാക്കേജാണിത്. കൊണ്ടോട്ടി അമാന ടവര്‍ ഓഡിറ്റോറിയത്തില്‍വച്ച് യാത്രാ അംഗങ്ങള്‍ക്കുള്ള ചരിത്ര പഠനക്യാംപും യാത്രയയപ്പും സംഘടിപ്പിച്ചു. അല്‍ഹിന്ദ് റീജ്യനല്‍ മാനേജര്‍ യാസിര്‍ മുണ്ടോടന്‍ അധ്യക്ഷനായി. ഷാജഹാന്‍ റഹ്മാനി കംബ്ലക്കാട് ക്ലാസെടുത്തു.