കൊയിലാണ്ടി : പൊയില്‍ക്കാവ് ഹൈസ്‌കൂളില്‍ എം.എസ്.എഫ്.പ്രവര്‍ത്തകര്‍ക്ക് നേരെ അക്രമം. ആറ് പ്രവര്‍ത്തകര്‍ക്ക് പരുക്കേറ്റു.
ചെങ്ങോട്ട്കാവ് പഞ്ചായത്ത് എം.എസ്.എഫ് ഭാരവാഹികളായ മുര്‍ഷിദ്, ശുഹൈബ്, റനീഷ്, ജുനൈസ്,ഫന്‍സീല്‍ അലി എന്നിവര്‍ക്കാണ് പരുക്ക്.
എസ്.എഫ്.ഐ. പ്രവര്‍ത്തകരാണ് അക്രമം നടത്തിയതെന്നും കമ്പിപ്പാര ഉപയോഗിച്ചാണ് അക്രമം നടത്തിയതെന്നും പരിക്കേറ്റവര്‍ പറഞ്ഞു.
പരുക്കേറ്റവരെ കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചു. പരുക്കേറ്റവരെ മുസ്‌ലിം ലീഗ്, എം.എസ്.എഫ് നേതാക്കളായ റഷീദ് വെങ്ങളം, മഠത്തില്‍ അബ്ദുറഹ്മാന്‍, ടി.സി നിസാര്‍, എസ്.എം ബാസിത്ത്, കെ.എം നജീബ്, മുഹമ്മദ് ഷാമില്‍, എസ്.എം ഷഹല്‍, പി.കെ മുഹമ്മദലി സന്ദര്‍ശിച്ചു.