ശ്രീനഗര്‍: അതിര്‍ത്തിയില്‍ നിയന്ത്രണ രേഖക്ക് സമീപം ഇന്ത്യന്‍ സൈനിക പോസ്റ്റുകള്‍ക്കും ഗ്രാമങ്ങള്‍ക്കും നേരെയുണ്ടായ പാക് സൈനികാക്രമണത്തില്‍ ഒരു ജവാന് വീരമൃത്യു. പൂഞ്ച് ജില്ലയിലെ മെന്ധര്‍-കൃഷ്ണഘാട്ടി സെക്ടറിലായിരുന്നു പാക് ആക്രമണം.
ബിഹാര്‍ സ്വദേശിയായ നായിക് രവി രഞ്ജന്‍ കുമാര്‍ സിങ് ആണ് വീരമൃത്യു വരിച്ചതെന്ന് സൈനിക വക്താവ് അറയിച്ചു. ഇന്നലെ രാവിലെ 11ഓടെയായിരുന്നു സൈനിക പോസ്റ്റ് ലക്ഷ്യമാക്കി പാക് സൈന്യം ആക്രമണം നടത്തിയത്. നാല് സൈനികര്‍ക്ക് പരുക്കേല്‍ക്കുകയും ചെയ്തിട്ടുണ്ട്.