ഗൂഡല്ലൂര്‍: ദേവാലയിലെ മദ്യശാല വാളവയലിലേക്ക് മാറ്റാനുള്ള നീക്കത്തിനെതിരേ നാട്ടുകാര്‍ രംഗത്ത്. കഴിഞ്ഞ ദിവസം മദ്യഷാപ്പ് പ്രവര്‍ത്തനം ആരംഭിക്കാന്‍ ശ്രമം നടക്കുന്നതായി വിവരം ലഭിച്ചതിനെ തുടര്‍ന്ന് സ്ത്രീകള്‍ അടക്കമുള്ള നാട്ടുകാര്‍ പ്രതിഷേധവുമായി റോഡില്‍ കുത്തിയിരിപ്പ് സമരം നടത്തി. ദേവാല ഡി.എസ്.പി. ശക്തി വേലു സ്ഥലത്തെത്തി നാട്ടുകാരുമാരുമായി ചര്‍ച്ച നടത്തിയതിനെ തുടര്‍ന്ന് താല്‍ക്കാലികമായി സമരം അവസാനിപ്പിക്കുകയായിരുന്നു. മദ്യശാല തുറക്കാനുളള അധികൃതരുടെ നീക്കത്തിനെതിരേ ശക്തമായ പ്രക്ഷേഭം ആരംഭിക്കുമെന്നും നാട്ടുകാര്‍ പറഞ്ഞു.