നിലമ്പൂര്‍: വടപുറം ആശ്വാസഭവനില്‍ ഭിന്നശേഷിയുള്ള കുട്ടികള്‍ക്ക് ആശ്വാസവുമായി നിലമ്പൂര്‍ ഗവ. മാനവേദന്‍ സ്‌കൂളിലെ എന്‍.എസ്.എസ് വളണ്ടിയര്‍മാര്‍ ഒത്തൊരുമിച്ചു. അരലക്ഷം രൂപയുടെ സാധനസാമഗ്രികളാണ് കുട്ടികള്‍ക്ക് വളണ്ടിയര്‍മാര്‍ സമ്മാനിച്ചത്. വീല്‍ചെയറുകളും, സ്‌ട്രെച്ചറും, ഫര്‍ണിച്ചറുകളും നല്‍കി. എ.പി അനില്‍കുമാര്‍ എംഎല്‍എ ചടങ്ങ് ഉദ്ഘാടനം ചെയ്തു. മമ്പാട് പഞ്ചായത്ത് പ്രസിഡന്റ് കണ്ണിയന്‍ റുക്കിയ്യ അധ്യക്ഷയായി. വൈസ് പ്രസിഡന്റ് പന്താര്‍ മുഹമ്മദ്, വി.ടി നാസര്‍, കെ. രജീന്ദ്രബാബു, പ്രിന്‍സിപ്പല്‍ അനിത എബ്രഹാം, സി.ബാലഭാസ്‌കരന്‍, എന്‍.എസ്.എസ് പ്രോഗ്രാം ഓഫിസര്‍ വി.പി സുഭാഷ്, പി സക്കീര്‍ ഹുസൈന്‍, എ. ശ്രീജിത്ത്, പാസ്റ്റര്‍ എം.ടി പത്രോസ് സംസാരിച്ചു.