വണ്ടൂര്‍: കൃഷി ഭവന്റെ കീഴില്‍ തരിശായി കിടന്ന രണ്ടരയേക്കര്‍ ഭൂമിയില്‍ കരനെല്‍ കൃഷിക്ക് തുടക്കമായി. മേലെ കോഴിപ്പറമ്പിലാണ്  ഉമ ഇനത്തില്‍പെട്ട നെല്ല് കൃഷി ചെയ്യുന്നത്.
പഞ്ചായത്ത് പ്രസിഡന്റ് എ.കോമളവല്ലി വിത്തിട്ട് ഉദ്ഘാടനം ചെയ്തു. ബ്ലോക്ക് പഞ്ചായത്തംഗം പി.ശശികുമാര്‍, പഞ്ചായത്തംഗം രാജഗോപാലന്‍, കൃഷി അസിസ്റ്റന്റുമാരായ ഇ.നവീഷ്, വി.ബി പൂര്‍ണിമ, കര്‍ഷക സംഘം പ്രസിഡന്റ് സേതുമാധവമേനോന്‍, രാമകൃഷ്ണന്‍, കെ.പി ഭാസ്‌കരന്‍  സംബന്ധിച്ചു.