ഡാര്‍ജിലിങ്: ഡാര്‍ജിലിങില്‍ മുഖ്യമന്ത്രി മമതാ ബാനര്‍ജിയുടെ സന്ദര്‍ശനത്തില്‍ പ്രതിഷേധിച്ച് ഗൂര്‍ഖാ ജനമുക്തി മോര്‍ച്ചയുടെ നേതൃത്വത്തില്‍ പ്രതിഷേധ മാര്‍ച്ച് നടന്നു. ഇന്നലെയാണ് മുഖ്യമന്ത്രി സന്ദര്‍ശനം നടത്തിയത്. ഇതിനെതിരേ നൂറുകണക്കിന് ആളുകളാണ് പ്രതിഷേധത്തില്‍ പങ്കാളികളായത്. ജി.ജെ.എം നേതാവ് ബിമല്‍ ഗുരുങിന്റെ നേതൃത്വത്തില്‍ ബാനുഭക്ത് ഭവനുമുന്നില്‍ മമത പുറത്തുപോവുകയെന്ന മുദ്രാവാക്യം വിളിച്ചാണ് പ്രതിഷേധക്കാര്‍ ഒത്തുകൂടിയത്.