കൃഷ്ണഗിരി(വയനാട്): ഈമാസം 21 മുതല്‍ 23 വരെ കേരളയും ആന്ധ്രയും തമ്മില്‍ നടക്കുന്ന അണ്ടര്‍ 16 വിജയ് മര്‍ച്ചന്റ് ട്രോഫിയുടെ ആദ്യ മത്സരം വയനാട് കൃഷ്ണിഗിരി ക്രിക്കറ്റ് സ്‌റ്റേഡിയത്തില്‍ നടക്കും. രാജഗോപാല്‍, മുന്‍ കേരള നായകന്‍ സോണി ചെറുവത്തൂര്‍ എന്നിവരുടെ കീഴില്‍ കേരള ടീം കഴിഞ്ഞ ഒരാഴ്ചയായി സ്റ്റേഡിയത്തില്‍ പരിശീലനം നടത്തുന്നുണ്ട്. ആന്ധ്രക്ക് പുറമെ ഗോവ, പോണ്ടിച്ചേരി എന്നീ ടീമുകളെയാണ് കേരളത്തിന് ബാക്കിയുള്ള മത്സരങ്ങളില്‍ നേരിടേണ്ടി വരിക.