പെരുമാതുറ: കോഴിക്കോട് ജില്ല ആസ്ഥാനമായി പ്രവര്‍ത്തിക്കുന്ന 'തണല്‍' റീഹാബിലിറ്റേഷന്‍ സെന്റര്‍ പെരുമാതുറയിലും പ്രവര്‍ത്തനമാരംഭിക്കുന്നു. തുടക്കത്തില്‍ സൗജന്യ നിരക്കിലുള്ള ഡയാലിസിസ് സെന്റര്‍, ഭിന്നശേഷിക്കാരായ കുട്ടികള്‍ക്കുള്ള സ്‌പെഷ്യല്‍ സ്‌കൂള്‍, ഭിന്നശേഷിക്കാര്‍ക്കുള്ള ഏര്‍ളി ഇന്റര്‍വെന്‍ഷന്‍ സെന്റര്‍ എന്നിവ തുടങ്ങാനാണ് ലക്ഷ്യമിടുന്നത്.
ഇതിന്റെ ഭാഗമായി പെരുമാതുറ മുസ്‌ലിം ജമാഅത്ത് ഹാളിലും കഴക്കൂട്ടം കാര്‍ത്തിക പാര്‍ക്ക് ഹോട്ടലിലും ജനകീയ കണ്‍വെന്‍ഷന്‍ നടത്തി.
ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്തു. തണല്‍ ചെയര്‍മാന്‍ ഡോ. ഇദ്രീസ് മുഖ്യ പ്രഭാഷണവും ഡോക്യുമെന്ററി പ്രദര്‍ശനവും നടത്തി. അബുല്‍ സത്താര്‍,നസീര്‍, അഡ്വ.കെ.എ ഹസ്സന്‍ മുഹമ്മദ് ഉമര്‍, കുന്നില്‍ സുല്‍ഫി എന്നിവര്‍ സംസാരിച്ചു. അബ്ദുല്‍ റഷീദ് അധ്യക്ഷനായി.