കൊണ്ടോട്ടി: കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 20.58 ലക്ഷം രൂപയുടെ സ്വര്‍ണം എയര്‍ കസ്റ്റംസ് ഇന്റലിജന്‍സ് വിഭാഗം പിടികൂടി. കോഴിക്കോട് പുതുപ്പാടി പെരുമ്പള്ളി കെ.എ ഷബീജില്‍ (26) നിന്നാണ് സ്വര്‍ണം പിടികൂടിയത്. 699 ഗ്രാം വരുന്ന സ്വര്‍ണ ചെയിനാണ് ഇയാളില്‍ നിന്ന് കണ്ടെടുത്തത്.
ചെയിന്‍ അടിവസ്ത്രത്തില്‍ ഒളിപ്പിച്ചു കടത്താനാണ് ഇയാള്‍ ശ്രമിച്ചത്. ഇന്നലെ പുലര്‍ച്ചെ അബൂദബിയില്‍ നിന്നുള്ള എത്തിഹാദ് എയര്‍വേയ്‌സ് വിമാനത്തിലാണ് ഇയാള്‍ കരിപ്പൂരിലെത്തിയത്.