ഉരുവച്ചാല്‍: ലോറി റോഡില്‍ കുടുങ്ങിയതിനെ തുടര്‍ന്ന് ഉരുവച്ചാലില്‍ ഗതാഗത തടം. ഇന്നലെ രാവിലെ എട്ടുമണിയോടെയാണ് ഉരുവച്ചാല്‍ ജങ്ഷനില്‍ നടുറോഡില്‍ മിനിലോറി നിന്നുപോയത്. ശിവപുരം ഭാഗത്ത് നിന്നു ചെങ്കല്‍ കയറ്റി പോവുകയായിരുന്ന മിനിലോറിയാണ് ടയര്‍ പെട്ടെന്ന് നിലച്ചതിനെ തുടര്‍ന്ന് റോഡില്‍ നിന്നു പോയത്. ഇതേത്തുടര്‍ന്ന് വാഹനങ്ങളുടെ നീണ്ട നിര റോഡില്‍ രൂപപ്പെട്ടു. വിവരമറിഞ്ഞ് മട്ടന്നൂര്‍ എസ്.ഐ ശിവന്‍ ചോടോത്തിന്റെ നേതൃത്വത്തില്‍ എത്തിയ പൊലിസ് സംഘം വാഹനങ്ങളെ നിയന്ത്രിച്ചു. വാഹനത്തിരക്കേറിയ മൂന്ന് റോഡുകള്‍ സന്ധിക്കുന്ന സ്ഥലത്തായതിനാലാണ് ഏറെ നേരം ഗതാഗതം നിലച്ചത്.