തിരുവനന്തപുരം: കോണ്‍ഗ്രസ്സുമായുള്ള പ്രശ്‌നത്താല്‍ മാണി യു.ഡി.എഫ് വിട്ട് ബി.ജെ.പിക്കൊപ്പം പോയാല്‍ അത് ആത്മഹത്യാപരമായിരിക്കുമെന്ന് മുസ്‌ലിം ലീഗ് നേതാവ് കുഞ്ഞാലിക്കുട്ടി. അദ്ദേഹം ബി.ജെ.പിയിലേക്ക് പോകില്ലെന്നാണ് കരുതുന്നതെന്നും കുഞ്ഞാലിക്കുട്ടി പറഞ്ഞു. യു.ഡി.എഫും കെ.എം മാണിയും തമ്മില്‍ പ്രശ്‌നങ്ങളുണ്ട്. എന്നാല്‍, അവ പരിഹരിക്കുക തന്നെ ചെയ്യുമെന്ന് മാധ്യമപ്രവര്‍ത്തകരോട് കുഞ്ഞാലിക്കുട്ടി പറഞ്ഞു.

ഈ പ്രശ്‌നത്തില്‍ യു.ഡി.എഫിന്റെ തീരുമാനമെന്തെന്ന ചോദ്യത്തിന് കേരള കോണ്‍ഗ്രസ്സിന്റെ അഞ്ച്, ആറ് തിയ്യതികളില്‍ ചരല്‍ക്കുന്നില്‍ വച്ചു നടക്കുന്ന യോഗത്തിലെ തീരുമാനത്തെ ബന്ധപ്പെട്ട് കിടക്കുന്നതാണ്. ആയതിനാല്‍ അതിനെ കുറിച്ച് ഇപ്പോള്‍ ഒന്നും പറയാന്‍ സാധിക്കില്ലെന്നും അദ്ദേഹം പറഞ്ഞു.