പാലക്കാട്: ശബരിമലയില്‍ സ്ത്രീകള്‍ പ്രവേശിക്കുന്നത് തടയണമെന്നാവശ്യപ്പെട്ട് മൊബൈല്‍ ടവറിന്റെ മുകളില്‍കയറി മധ്യവയസ്‌കന്റെ ആത്മഹത്യാ ഭീഷണി. ഇന്നലെ ഉച്ചയ്ക്ക് 2.30നാണ് സംഭവം. പാലക്കാട് കൂട്ടുപാതയ്ക്ക് സമീപം ബി.എസ്.എന്‍.എലിന്റെ ടവറിന് മുകളില്‍ കയറിയാണ് കഞ്ചിക്കോട് അട്ടപ്പള്ളം സ്വദേശിയായ ബാബു (51) അത്മഹത്യ ഭീഷണി മുഴക്കിയത്.
വിവരം അറിഞ്ഞെത്തിയ ഫയര്‍ഫോഴ്‌സും പൊലിസും ഇയാളെ അനുനയിപ്പിക്കാന്‍ ശ്രമിച്ചെങ്കിലും താഴോട്ട് ഇറങ്ങാന്‍ കൂട്ടാക്കിയില്ല. ഒടുവില്‍ വൈകിട്ട് 4.30ന് രണ്ട് ബി.എസ്.എന്‍.എല്‍ ജീവനക്കാരെത്തിയാണ് ബാബുവിനെ താഴെയിറക്കിയത്.