ന്യൂഡല്‍ഹി: ശബരിമല വിഷയത്തില്‍ കോണ്‍ഗ്രസ് തീവ്രസമരത്തിലേക്ക് നീങ്ങരുതെന്ന് കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി. തീവ്രസമരങ്ങള്‍ കോണ്‍ഗ്രസ്സിന്റെ നിലപാടല്ല. വിഷയത്തില്‍ ഇപ്പോള്‍ കൊടിപിടിച്ച സമരങ്ങളിലേക്ക് കടക്കേണ്ടതില്ല. വിഷയത്തില്‍ സ്ത്രീകളുടെ വികാരം മാനിക്കണമെന്നും രാഹുല്‍ ഗാന്ധി പറഞ്ഞു.

കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രന്‍, പ്രതിപക്ഷ നേതാവ് രമേശ് ചെന്നിത്തല എന്നിവരുമായി നടത്തിയ കൂടിക്കാഴ്ചയിലാണ് രാഹുല്‍ ഗാന്ധി ഹൈക്കമാന്‍ഡ് നിലപാട് അറിയിച്ചത്. ശബരിമല വിഷയത്തില്‍ ഐ.സി.സിയുടെയും കെ.പി.സി.സിയുടെയും നിലപാടുകളില്‍ വൈരുധ്യമില്ലെന്ന് മുല്ലപ്പള്ളി രാമചന്ദ്രനും ചെന്നിത്തലയും പറഞ്ഞു.