പട്ടാമ്പി: തൃത്താല ഭാരതപ്പുഴയില്‍ കുളിക്കാനിറങ്ങിയ 4 കുട്ടികള്‍ ഒഴുക്കില്‍പ്പെട്ടു. ഒരാളെ രക്ഷപ്പെടുത്തി മൂന്നുപേരെ കാണാതായി. ഉമ്മത്തൂര്‍ കടവിലാണ് അപകടം. ഒഴുക്കില്‍പ്പെട്ട ഒരു പെണ്‍കുട്ടിയെ രക്ഷപെടുത്തി. ഒരു പെണ്‍കുട്ടി അടക്കം മൂന്നുകുട്ടികള്‍ക്ക് വേണ്ടി തെരച്ചില്‍ നടത്തുന്നു. ബന്ധുവീട്ടില്‍ എത്തിയ 15 വയസില്‍ താഴെയുള്ള കുട്ടികളാണ് പുഴയില്‍ കുളിക്കാന്‍ ഇറങ്ങുന്നതിനിടെ അപകടത്തില്‍പ്പെട്ടത്. നാലുപേരും മലപ്പുറം ജില്ലയിലെ കാഞ്ഞിരക്കുറ്റിയില്‍ നിന്നും കുമ്പിടിയിലെ ബന്ധുവീടില്‍ എത്തിയതായിരുന്നു.

ഭാരതപ്പുഴയില്‍ കുമ്പിടി ഭാഗത്ത് ഒഴുക്കില്‍ പെട്ട ജാഷിം, ജുമാന, സക്കീര്‍ എന്നിവര്‍ക്ക് വേണ്ടിയുള്ള തിരച്ചില്‍ തുടരുന്നു. ജുനൈദ് എന്ന കുട്ടിയെ രക്ഷപ്പെടുത്താന്‍ കഴിഞ്ഞു. എന്ന വിവരമാണ് അവസാനമായി ലഭിച്ചത്

മന്ത്രി കെ ടി ജലീല്‍ പാലക്കാട്, മലപ്പുറം ജില്ലാ കളക്ടര്‍മാര്‍ക്ക് അടിയന്തിര സൗകര്യങ്ങള്‍ നല്‍കുവാന്‍ നിര്‍ദ്ദേശം നല്‍കി. സ്ഥലത്ത് പൊലിസ്, ഫയര്‍ ഫോഴ്‌സ്, ട്രോമാകെയര്‍ യൂണിറ്റ്, നാട്ടുകാര്‍ എന്നിവര്‍ ചേര്‍ന്ന് തിരച്ചില്‍ തുടരുന്നു.