മക്ക: ഹജ്ജ് സേവന രംഗത്തും മക്കയില്‍ മയ്യിത്ത് പരിപാലന രംഗത്തും ജീവകാരുണ്യ രംഗത്തും സ്തുത്യര്‍ഹമായ സേവനം നടത്തി മലയാളികള്‍ക്കിടയില്‍ അഭിമാനമായി മാറിയ കബീര്‍ ചേരൂരിന് എസ്.കെ.എസ്.എസ്.എഫ് വിഖായ സംസ്ഥാന സമിതിയുടെ സ്‌നേഹാദരം. മക്കയിലും മിനയിലും ഹജ്ജ് വേളയിലും അല്ലാത്തപ്പോഴും മരണപ്പെടുന്നവരുടെ മയ്യിത്തുകളെ പരിപാലനത്തിലൂടെ സഊദി ഗവണ്‍മെന്റിന്റെയും വിവിധ വകുപ്പുകളുടെയും അഭിനന്ദനം നേടുകയും സര്‍ട്ടിഫിക്കറ്റ് നേടുകയും ചെയ്തിട്ടുണ്ടണ്ട്. മൂന്ന് മാസം മുന്‍പ് ഈജിപ്തില്‍ നടന്ന രാജ്യാന്തര മയ്യിത്ത് പരിപാലന മത്സരത്തില്‍ സഊദി ഗവണ്‍മെന്റിന്റെ അനുമതിയോടെ പങ്കെടുക്കുകയും മൂന്നാം സ്ഥാനം കരസ്ഥമാക്കുകയും ചെയ്തിരുന്നു.
ഹജ്ജ് സേവനത്തിനെത്തിയ വിഖായ ഹജ്ജ് വളണ്ടണ്ടിയര്‍മാര്‍ക്കായി മക്കയില്‍ സംഘടിപ്പിച്ച പ്രത്യേക വിഖായ ക്യാംപില്‍ എസ്.കെ.എസ്.എസ്.എഫ് സംസ്ഥാന നേതാക്കളായ ബഷീര്‍ ഫൈസി ദേശമംഗലം, റശീദ് ഫൈസി വെള്ളായിക്കോട്, ജാബിര്‍ ഹുദവി തുടങ്ങിയവരാണ് സ്‌നേഹോപഹാരം സമ്മാനിച്ചത്. സയ്യിദ് ഉബൈദുല്ല തങ്ങള്‍ മേലാറ്റൂര്‍, കെ. മോയിന്‍ കുട്ടി മാസ്റ്റര്‍, സലാം ഫൈസി വളവട്ടൂര്‍, ആനമങ്ങാട് മുഹമ്മദ് കുട്ടി ഫൈസി, മുനീര്‍ ഫൈസി മാമ്പുഴ തുടങ്ങിയ നേതാക്കള്‍ പങ്കെടുത്തു.