മ്യൂണിക്: ഫുട്‌ബോളില്‍ പല അത്ഭുത പ്രകടനങ്ങളും കാണിക്കുന്നവരെ നാം കാണാറുണ്ട്. എന്നാല്‍ അതില്‍ നിന്നെല്ലാം വ്യത്യസ്തനാണ് ജര്‍മന്‍ ക്ലബായ ബെറൂസിയ ഡോര്‍ട്മുണ്ടില്‍ കളിക്കുന്ന 14 കാരന്‍. താരത്തിന് 14 വയസാണെങ്കിലും സീനിയര്‍ താരങ്ങളെ പോലും പിറകിലാക്കുന്ന പ്രകടനമാണ് കാമറൂന്‍ സ്വദേശി യൂസോഫാ മൗകോകുവിന്റേത്. ഏതാനും ദിവസം മുന്‍പ് നടന്ന അണ്ടര്‍ 19 മത്സരത്തില്‍ താരമായതോടെയാണ് വീണ്ടും മകോകുവിലേക്ക് കായിക പ്രേമികളുടെ ശ്രദ്ധ തിരിഞ്ഞത്. താരത്തിന്റെ 13-ാം വയസില്‍ ഡോര്‍ട്മു@ണ്ടിന്റെ അണ്ട@ര്‍ 17 ടീമിനായി ഒരു സീസണ്‍ മുഴുവന്‍ കളിച്ച യൂസോഫ 25 മത്സരങ്ങളില്‍ 46 ഗോളുകളായിരുന്നു സ്വന്തമാക്കിയത്. ഇതിനകം തന്നെ പ്രമുഖ സ്‌പോര്‍ട്‌സ് ബ്രാന്‍ഡുമായി 10 മില്യന്‍ യൂറോയുടെ കരാറും യൂസോഫ ഒപ്പുവച്ചിട്ടുണ്ട്. രണ്ട് വര്‍ഷം കൂടി കഴിഞ്ഞാല്‍ മാത്രമേ മൗകോകുവിന് സീനിയര്‍ ടീമിനൊപ്പം കളിക്കാന്‍ കഴിയൂ. കാമറൂണ്‍ സ്വദേശി ആണെങ്കിലും ജര്‍മനി താരത്തെ അവരുടെ ദേശീയ ടീമില്‍ എത്തിക്കാനുള്ള ശ്രമങ്ങളും തുടങ്ങിയിട്ടുണ്ട്. ഇപ്പോള്‍ ജര്‍മനിയുടെ അണ്ട@ര്‍ 16 ടീമിലെ താരമാണ് യൂസോഫ മൗകോകു. ഒറ്റ മത്സരത്തില്‍ ആറു ഗോളുകളാണ് ഈ അത്ഭുത ബാലന്‍ സ്വന്തമാക്കിയത്. ചെറുപ്പം മുതല്‍ താരം ബൊറൂസിയ ഡോര്‍ട്മുണ്ടിന്റെ അക്കാദമിക്കൊപ്പമുണ്ട്. മൗകോകു 12-ാം വയസില്‍ അണ്ട@ര്‍ 17 ടീമിനായി കളിച്ച താരമാണ്. കാമറൂണ്‍കാരനായ യൂസോഫ ഡോര്‍ട്മു@ണ്ട് അക്കാദമിയിലെ ഏറ്റവും മികച്ച സ്‌ട്രൈക്കര്‍ ആണെന്നാണ് പരിശീലകര്‍ പറയുന്നത്.