മാഡ്രിഡ്: തന്നെ ക്ലബ് വിടാന്‍ അനുവദിക്കണമെന്ന ആവശ്യവുമായി റയല്‍ മാഡ്രിഡ് ഗോള്‍ കീപ്പര്‍ കെയ്‌ലര്‍ നവാസ്.
ഇതോടെ ഈ സീസണില്‍ താരം മറ്റൊരു ക്ലബിലേക്ക് പോകുമെന്ന് ഉറപ്പായി. ചെല്‍സിയില്‍നിന്ന് തിബോട്ട് കുര്‍ട്ടോയിസ് എത്തിയതോടെയാണ് നവാസിന്റെ കഷ്ടകാലം തുടങ്ങിയത്. കുര്‍ട്ടോയിസ് ആദ്യം പൂര്‍ണ പരാജയമായിരുന്നുവെങ്കിലും നവാസിന് അവസരങ്ങള്‍ കുറവായിരുന്നു.
കീപ്പര്‍മാരെ താന്‍ മാറ്റിപ്പരീക്ഷിക്കില്ലെന്ന് സിദാന്‍ പറഞ്ഞതോടെയാണ് നവാസ് ക്ലബ് മാറുന്നതിനെ കുറിച്ച് ചിന്തിക്കുന്നത്. രണ്ട@ാം ഗോള്‍ കീപ്പറായി ബെഞ്ചില്‍ ഇരിക്കാന്‍ താല്‍പര്യമില്ലാത്തതിനാലാണ് താരം ക്ലബ് വിടുന്നത്.
വിവിധ ക്ലബുകള്‍ നവാസിന് വേണ്ടി രംഗത്തുണ്ടെങ്കിലും റയല്‍ ഇതുവരെ താരത്തെ വിട്ട് നല്‍കാന്‍ തയാറായിട്ടില്ല. ഇതാണ് താരം അപേക്ഷയുമായി രംഗത്തെത്താന്‍ കാരണമായത്.