കൊണ്ടോട്ടി: താലൂക്ക് പരിധിയില്‍ റേഷന്‍കാര്‍ഡ് വിതരണം തുടക്കമായി. താലൂക്ക് സപ്ലൈ ഓഫിസര്‍ ടി ഗാനാദേവി ഉദ്ഘാടനം ചെയ്തു. ഒന്ന് മുതല്‍ ഏഴ് വരെ നമ്പറുകളിലുള്ള കൊണ്ടോട്ടി, നീറാട്, മേലങ്ങാടി, മുണ്ടപ്പലം, തുറയ്ക്കല്‍ എന്നിവിടങ്ങളിലാണ് കാര്‍ഡ് വിതരണം തുടങ്ങിയത്.
കൊളത്തൂര്‍, തവനൂര്‍, മുതുപറമ്പ്, മുതുവല്ലൂര്‍, വിളയില്‍, വിളയില്‍ ആലിന്‍ചുവട്, മുണ്ടക്കുളം എന്നിവിടങ്ങളില്‍ ഇന്ന് കാര്‍ഡ് വിതരണം ചെയ്യും. കുഴിഞ്ഞൊളം,എടവണ്ണപ്പാറ, വെട്ടത്തൂര്‍, വാലില്ലാപ്പുഴ, വാഴക്കാട് എന്നിവിടങ്ങളില്‍ ശനിയാഴ്ചയാണ് കാര്‍ഡ് വിതരണം ചെയ്യുക. മറ്റിടങ്ങളില്‍ കാര്‍ഡ് അച്ചടിച്ചെത്തുന്ന മുറക്ക് വിതരണം ചെയ്യുമെന്ന് അധികൃതര്‍ അറിയിച്ചു.