ഗൂഡല്ലൂര്‍: കുന്നൂര്‍ ഉളിക്കല്‍ ഗവ. ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥികള്‍ ഉപയോഗിക്കുന്ന കുടിവെള്ളത്തില്‍ മലിനജലം കലരുന്നതായി പരാതി. സംഭവത്തില്‍ പ്രതിഷേധിച്ച് രക്ഷിതാക്കള്‍ കുന്നൂര്‍-ഉളിക്കല്‍ പാത ഉപരോധിച്ചു. 200ല്‍പ്പരം വിദ്യാര്‍ഥികളാണ് സ്‌കൂളില്‍ പഠിക്കുന്നത്. വിവരമറിഞ്ഞ് കുന്നൂര്‍ സി.ഐ തങ്കം, ഉളിക്കല്‍ പഞ്ചായത്ത് പ്രസിഡന്റ് തമിഴ്‌ശെല്‍വന്‍, കൗണ്‍സിലര്‍ ലക്ഷ്മണന്‍ എന്നിവര്‍ സ്ഥലത്തെത്തി ജനങ്ങളുമായി ചര്‍ച്ച നടത്തി. പ്രശ്‌നത്തിന് പരിഹാരം കാണുമെന്ന് ഉറപ്പ് നല്‍കിയതോടെയാണ് സമരം അവസാനിപ്പിച്ചത്.