ന്യൂഡല്‍ഹി: എപ്പോഴും പ്രധാനമന്ത്രി നരേന്ദ്ര മോദിയെ ദുഷ്ടനായി ചിത്രീകരിക്കുന്നത് രാഷ്ട്രീയമായി പാര്‍ട്ടിക്ക് ഗുണം ചെയ്യില്ലെന്ന ജയ്‌റാം രമേശിന്റെ പരാമര്‍ശത്തിന് പിന്തുണയുമായി മനു അഭിഷേക് സിങ്്‌വിയും ശശി തരൂരും.
പ്രധാനമന്ത്രിയുടെ ഏത് കാര്യത്തെയും കണ്ണടച്ച് എതിര്‍ക്കുന്നത് ഒന്നിനും പരിഹാരമല്ല. പകരം നല്ല കാര്യങ്ങള്‍ ചെയ്യുമ്പോള്‍ അതിനെ അനുകൂലിക്കുകയാണ് വേണ്ടതെന്നും ഇവര്‍ പറഞ്ഞു.
മോദിയുടെ പ്രവര്‍ത്തനങ്ങളെ അതിന്റെ പ്രാധാന്യത്തിന്റെ അടിസ്ഥാനത്തിലാണ് പരിശോധിക്കേണ്ടത്. വിമര്‍ശിക്കപ്പെടേണ്ടത് വിമര്‍ശിക്കുകയും അനുകൂലിക്കേണ്ടതിനെ അനുകൂലിക്കുകയുമാണ് വേണ്ടതെന്ന് സിങ്‌വി പറഞ്ഞു.
പ്രധാനമന്ത്രി നല്ല കാര്യം ചെയ്താല്‍ അതിന് മനസ് തുറന്ന് അഭിനന്ദിക്കുകയാണ് വേണ്ടത്. ഇത് പ്രതിപക്ഷത്തിനോടുള്ള ജനങ്ങളുടെ വിശ്വാസ്യത വര്‍ധിപ്പിക്കുമെന്ന് തരൂര്‍ പറഞ്ഞു.