അന്തിക്കാട്: മുറ്റിച്ചൂര്‍ കടവില്‍ ഗുണ്ടാസംഘം വീടിന്റെ ജനല്‍ചില്ലുകള്‍ തല്ലിത്തകര്‍ത്തു.
പാലത്തിനു സമീപം പണിക്കവീട്ടില്‍ ഖദീജയുടെ വീടിനു നേരെയാണ് ആക്രമണം. ബൈക്കിലെത്തിയ മൂന്നംഗ സംഘമാണ് ആക്രമണത്തിന് പിന്നില്‍.
ഇന്നലെ പുലര്‍ച്ചെ ഒന്നോടെയായിരുന്നു സംഭവം. ജനല്‍ ചില്ലുകള്‍ തല്ലിത്തകര്‍ത്ത ശേഷം കരിങ്കല്‍ ഉപയോഗിച്ചു വീടിനു നേരെ എറിഞ്ഞു. ശബ്ദം കേട്ട് വീട്ടുകാര്‍ ഉണര്‍ന്നപ്പോള്‍ സംഘം അവര്‍ക്കുനേരെ തിരിയുകയും വധഭീഷണി മുഴക്കുകയും ചെയ്തു.
ഒന്‍പതു മാസങ്ങള്‍ക്കു മുന്‍പ് ഈ വീടിന്റെ ജനല്‍ചില്ലുകള്‍ സാമൂഹ്യദ്രോഹികള്‍ തകര്‍ത്തിരുന്നു. ഇതു സംബന്ധിച്ചു അന്തിക്കാട് പൊലിസില്‍ പരാതി നല്‍കിയിരുന്നുവെങ്കിലും നടപടിയൊന്നും ഉണ്ടായില്ലെന്ന് ഖദീജ കുറ്റപ്പെടുത്തി.