കണ്ണൂര്‍: ജില്ലയില്‍ പ്ലസ്‌വണ്‍ പ്രവേശനത്തിനായി 38504 ഓണ്‍ലൈന്‍ അപേക്ഷകള്‍ ലഭിച്ചു. അപേക്ഷയിലുള്ള ട്രയല്‍ അലോട്ട്‌മെന്റ് ഈ മാസം 12നും ആദ്യ അലോട്ട്‌മെന്റ് 19നും നടക്കും. 28നാണ് പ്ലസ്‌വണ്‍ ക്ലാസുകള്‍ തുടങ്ങുക. നിലവില്‍ ജില്ലയില്‍ ഏകജാലകം വഴിയുള്ള മെറിറ്റ് സീറ്റ് 25,776 എണ്ണമാണ്. സയന്‍സ്-12282, ഹ്യുമാനിറ്റീസ്-5616, കൊമേഴ്‌സ്-7878 എന്നിങ്ങനെയാണ് വിഷയങ്ങള്‍ തിരിച്ചുള്ള അപേക്ഷകളുടെ എണ്ണം. ഇതിനു പുറമേ 3192 മാനേജ്‌മെന്റ് സീറ്റും, 1392 കമ്മ്യൂണിറ്റി സീറ്റും, 2658 അണ്‍ എയ്ഡഡ് സീറ്റും ജില്ലയിലുണ്ട്. മനേജ്‌മെന്റ് സീറ്റില്‍ സയന്‍സ്-1674, ഹ്യുമാനിറ്റീസ്-564, കൊമേഴ്‌സ്-954 എന്നിങ്ങനെയും കമ്മ്യൂണിറ്റി സീറ്റില്‍ സയന്‍സ്-684, ഹ്യുമാനിറ്റീസ്-240, കൊമേഴ്‌സ്-468 എന്നിങ്ങനെയും അണ്‍ എയ്ഡഡ് വിഭാഗത്തില്‍ സയന്‍സ്-1136, ഹ്യുമാനിറ്റീസ്-336, കൊമേഴ്‌സ്-1186 സീറ്റുമാണ്. സര്‍ക്കാര്‍ അനുവദിച്ച 20 ശതമാനം സീറ്റ് ഉള്‍പ്പെടുത്തിയാണിത്. ജില്ലയില്‍ 19 വൊക്കേഷണല്‍ ഹയര്‍സെക്കന്‍ഡറി സ്‌കൂളുകളിലായി ആകെ 1500 സീറ്റുകളുമുണ്ട്. ഹയര്‍സെക്കന്‍ഡറിയില്‍ 80 സര്‍ക്കാര്‍, 61 എയ്ഡഡ്, 17 അണ്‍ എയ്ഡഡ് ഒന്നുവീതം സ്‌പെഷ്യല്‍, മോഡല്‍ റെസിഡന്‍ഷ്യല്‍ സ്‌കൂളുകളാണുള്ളത്.