കൊല്ലം: കേരളത്തിന്റെ വളര്‍ച്ചയില്‍ സി.എച്ച് വഹിച്ച പങ്ക് വിസ്മരിക്കാന്‍ കഴിയില്ലെന്ന് മുന്‍മന്ത്രി സി.വി പത്മരാജന്‍ പറഞ്ഞു.
സി.എച്ച് കള്‍ച്ചറല്‍ ഫോറം കൊല്ലം പബ്ലിക് ലൈബ്രറിയില്‍ സംഘടിപ്പിച്ച സി.എച്ച് അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. വിദ്യാഭ്യാസ രംഗത്ത് മൗലികമായ മാറ്റങ്ങള്‍ വരുത്തിയ പ്രതിഭയായിരുന്നു സി.എച്ചെന്നും അദ്ദേഹം കൂട്ടിച്ചേര്‍ത്തു. ഡോ. എ. യൂനുസുകുഞ്ഞ് അധ്യക്ഷനായി.
ഉബൈദുള്ള എം.എല്‍.എ മുഖ്യപ്രഭാഷണം നടത്തി. വാഴയത്ത് ഇസ്മാഈല്‍ കുഞ്ഞ്, നൗഷാദ് യൂനുസ്, കലാപ്രേമി ബഷീര്‍, പുന്നല ഇബ്രാഹിം കുട്ടി, സുല്‍ഫിക്കര്‍ സലാം, അബ്ദുല്‍ റഹ്മാന്‍, അഹമ്മദ് ഉഖൈല്‍, കാരാളിവൈ.സമദ്, തോപ്പില്‍ ജമാല്‍, ഫസലുദ്ദീന്‍ ജെ.സുബയിര്‍, ബിനുമാധവന്‍, ഹാഷിം കൊടിമേല്‍ കൊടി, നാസിമുദീന്‍ പള്ളിമുക്ക്, പോളയത്തോട് ഷാജഹാന്‍, കുരീപ്പുഴ ഷാനവാസ്, പുനലൂര്‍ ജലീല്‍, സംസാരിച്ചു. മുസ്‌ലിം ലീഗ് ആദ്യകാല നേതാക്കളെ ചടങ്ങില്‍ ആദരിച്ചു.