തിരൂരങ്ങാടി: ഭൗതിക വിദ്യാഭ്യാസത്തോടൊപ്പം ധാര്‍മികതയിലൂന്നിയ വിദ്യാഭ്യാസത്തിനും പ്രാധാന്യം നല്‍കണമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍. ചെമ്മാട് നാഷനല്‍ ഇംഗ്ലീഷ് മീഡിയം ഹയര്‍ സെക്കന്‍ഡറി സ്‌കൂളില്‍ എസ്.എസ്.എല്‍.സി പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ഥികള്‍ക്കുള്ള അനുമോദന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം.
സ്‌കൂള്‍ പഠനത്തോടൊപ്പം മത പഠനത്തിനും സാഹചര്യമൊരുക്കണം. ധാര്‍മികതയില്ലാതെ വളര്‍ന്നു വരുന്ന വിദ്യാര്‍ഥിക്ക് സമൂഹത്തില്‍ നല്ല മനുഷ്യനായി ജീവിക്കാന്‍ കഴിയില്ല. വിദ്യാര്‍ഥികളുടെ പഠനത്തില്‍ രക്ഷിതാക്കള്‍ നിരന്തരമായി ഇടപെടണമെന്നും തങ്ങള്‍ പറഞ്ഞു.
ട്രസ്റ്റ്് ജനറല്‍ സെക്രട്ടറി യു. ശാഫി ഹാജി അധ്യക്ഷനായി .
പി.കെ കുഞ്ഞാലികുട്ടി എം.പി, പി.കെ അബ്ദുറബ്ബ് എം.എല്‍.എ, തിരൂരങ്ങാടി മുനിസിപ്പല്‍ ചെയര്‍പേഴ്‌സണ്‍ കെ.ടി റഹീദ, തിരൂരങ്ങാടി സി.ഐ ബാബുരാജ്, എസ്.ഐ വിശ്വനാഥന്‍ കാരയില്‍, സി.പി.ഒ പമിത്, പ്രിന്‍സിപ്പല്‍ എ. മുഹ്‌യദ്ദീന്‍, റഹീം മാസ്റ്റര്‍ ചുഴലി, സി.കെ മുഹമ്മദ് ഹാജി, കൊണ്ടാണത്ത് ബീരാന്‍ ഹാജി, അബ്ദുറഹ്മാന്‍കുട്ടി, റഷീദ് ഹാജി, യൂസുഫ് ചോനാരി, പി.സി.എച്ച് തങ്ങള്‍, അജിത് സംസാരിച്ചു.