ട്രിപ്പോളി: ലിബിയയില്‍ ആദ്യമായി ഐ.എസിനെതിരേ യു.എസ് വ്യോമാക്രമണം തുടങ്ങി. ലിബിയയിലെ സിര്‍ത്ത പ്രവിശ്യയിലാണ് ഐ.എസിനെതിരായ അക്രമണം ആരംഭിച്ചത്. യു.എന്‍ പിന്തുണയ്ക്കുന്ന ഐക്യസര്‍ക്കാര്‍ ആവശ്യപ്പെട്ടതിന്റെ അടിസ്ഥാനത്തിലാണ് ആക്രമണം ആരംഭിച്ചതെന്ന്് പെന്റഗണ്‍ അറിയിച്ചു.

ലിബിയന്‍ സൈന്യത്തിനെതിരായി സിര്‍ത്തയിലും സമീപപ്രദേശങ്ങളിലും കുഴിബോംബ് അക്രമണം രൂക്ഷമായപ്പോഴാണ് ലിബിയ യു.എസ് സൈനിക സഹായമഭ്യര്‍ഥിച്ചത്.

യു.എസ് വ്യോമാക്രമണം ലിബയന്‍ സൈനിക സംഘത്തിന് ഐ.എസിനെതിരേ മുന്നേറാനുള്ള വഴി തെളിയിക്കുമെന്ന് ലിബിയന്‍ പ്രധാനമന്ത്രി ഫായിസ് അല്‍ സിറാജ് പറഞ്ഞു.