പടിഞ്ഞാറങ്ങാടി: തൃത്താല മണ്ഡലം കപ്പൂര്‍ പഞ്ചായത്തിലെ കാഞ്ഞിരത്താണി കൊഴിക്കര റോഡ് അധികൃതരുടെ അനാസ്ഥ മൂലം തകര്‍ന്ന് തരിപ്പണമായി ഗതാഗത യോഗ്യമെല്ലാതായിട്ട് മാസങ്ങളോളമായി. തകര്‍ന്ന റോഡിലെ കുഴികളിലെല്ലാം വാഴ നട്ട് കൊണ്ട് നാട്ടുകാര്‍ പ്രതിഷേധിച്ചു. ഓരോ ഇലക്ഷന്‍ വരുംമ്പോഴും റോഡ് ശരിയാക്കാം എന്നുള്ള വാഗ്ധാന പ്പെരുമഴ കൊണ്ടാണ് വിവിധ രാഷ്ട്രീയ പ്പാര്‍ട്ടികള്‍ വോട്ട് ചോദിക്കാറെങ്കിലും പിന്നീടുള്ള കാര്യങ്ങള്‍ മറിച്ചാണ്.
ഇരുമുന്നണികളും അങ്ങോട്ടുമിങ്ങോട്ടും വാക് പോരുകളും, മറ്റും നടത്തുക എന്നല്ലാതെ റോഡ് ശരിയാക്കേണ്ട ഒരു നടപടികളും ഇതുവരെ കൈകൊണ്ടിട്ടില്ല. റോഡിന്റെ ഇരുവശങ്ങളും വീതി കൂട്ടാന്‍ വി.ടി. ബല്‍റാം എം.എല്‍.എ തുക അനുവദിച്ചെങ്കിലും ബാക്കി ഭാഗം തകര്‍ച്ചയുടെ വക്കിലാണ്. കൊഴിക്കര പള്ളിപ്പടി എന്നിവിടങ്ങളില്‍ കുഴികള്‍ രൂപപ്പെട്ട് കാല്‍നട യാത്ര പോലും ദുസ്സഹകരമായിരിക്കുകയാണ്.
ബസുടമകള്‍ സര്‍വീസ് നിര്‍ത്തിവെക്കാനുള്ള തീരുമാനത്തിലാണ്. ഒട്ടനവധി ജനങ്ങള്‍ക്ക് ഉപകാരപ്രഥവും, പാലക്കാട്, തൃശൂര്‍, മലപ്പുറം ജില്ലകള്‍ തമ്മില്‍ ബന്ധിച്ച് കിടക്കുന്ന വളരെ പ്രധാന റോഡ് കൂടിയാണിത്. ത്രിതല പഞ്ചായത്തിന്ന് കീഴിലുള്ള ഈ റോഡിന്റെ നവീകരണത്തിന് ജാല്ലാപഞ്ചായത്ത്, ബ്ലോക്ക്, ഗ്രാമ പഞ്ചായത്ത് എന്നിവിടങ്ങളില്‍നിന്ന് അവഗണനയാണ് ഉണ്ടായിട്ടുള്ളത്. അധികൃതര്‍ റോഡ് നന്നാക്കാന്‍ വേണ്ട നടപടികള്‍ സ്വീകരിച്ചില്ലെങ്കില്‍ പ്രതിഷേധ പരിപാടികള്‍ സങ്കടിപ്പിക്കാനുള്ള തീരുമാനത്തിലാണ് നാട്ടുകാരും, രാഷ്ട്രീയ പാര്‍ട്ടികളും.