റിയോ ഡി ജനീറോ: ഒളിംപിക്‌സിലെ ടെന്നീസ് സിംഗിള്‍സ് മത്സരങ്ങളില്‍ നിന്നു സൂപ്പര്‍ താരം റാഫേല്‍ നദാല്‍ പിന്മാറിയേക്കും. പരുക്കില്‍ നിന്നു മുക്തനായി അടുത്തിടെയാണ് നദാല്‍ കളിക്കളത്തില്‍ തിരിച്ചെത്തിയത്.

ഈ സാഹചര്യത്തില്‍ സിംഗിള്‍സ്, ഡബിള്‍സ്, മിക്‌സഡ് ഡബിള്‍സ് എന്നിവയില്‍ ഒരുമിച്ച് കളിക്കുന്നത് ആരോഗ്യം മോശമാക്കുമെന്ന ആശങ്കയാല്‍ സിംഗിള്‍സില്‍ നിന്ന് വിട്ടു നില്‍ക്കാനാണ് നദാലിന്റെ തീരുമാനം.

താരത്തിന്റെ കോച്ച് ടോണി ഇക്കാര്യം സ്ഥിരീകരിച്ചിട്ടുണ്ട്. ഇക്കാര്യത്തില്‍ വരും ദിവസങ്ങളില്‍ തീരുമാനമുണ്ടാകും. നിരന്തരമായുള്ള മത്സരങ്ങള്‍ താരത്തിന്റെ ആരോഗ്യത്തിന് ദോഷം ചെയ്യും. ഇതു മത്സര ഫലത്തെയും ബാധിക്കും. ഇതൊഴിവാക്കാന്‍ സിംഗിള്‍സിന് നിന്ന് പിന്മാറുകയാണ് ഉചിതമെന്ന് ടോണി കൂട്ടിച്ചേര്‍ത്തു.