തിരുവനന്തപുരം: സരിത എസ് നായരുടെ പരാതിയില്‍ എ.ഐ.സി.സി ജനറല്‍ സെക്രട്ടറിമാരായ ഉമ്മന്‍ചാണ്ടിക്കും കെ.സി വേണുഗോപാലിനുമെതിരേ ക്രൈംബ്രാഞ്ച് കേസെടുത്തു. ഉമ്മന്‍ചാണ്ടിക്കെതിരേ പ്രകൃതി വിരുദ്ധ പീഡനമുള്‍പ്പടെയുള്ള കുറ്റങ്ങള്‍ ചുമത്തിയും കെ.സി വേണുഗോപാലിനെതിരേ ബലാല്‍സംഗ കുറ്റത്തിനുമാണ് കേസെടുത്തിരിക്കുന്നത്. ഒരാഴ്ച മുന്‍പ് എ.ഡി.ജി.പി അനില്‍ കാന്തിന് സരിതാ നായര്‍ നല്‍കിയ പരാതിയിലാണ് നടപടി. ലൈംഗികമായി പീഡിപ്പിച്ചുവെന്ന് ഇരുവര്‍ക്കുമെതിരേ പ്രത്യേകം പരാതികള്‍ നല്‍കുകയായിരുന്നു. ഇതു സംബന്ധിച്ച് പൊലിസിന് നിയമോപദേശവും ലഭിച്ചിരുന്നു.