കോഴിക്കോട്: നഗരമധ്യത്തില്‍ പൊലിസിനെ അക്രമിച്ച സഹോദരങ്ങളായ യുവാക്കളെ അറസ്റ്റ് ചെയ്തു. കോഴിക്കോട് ടൗണ്‍ പൊലിസ് സ്റ്റേഷന്‍ എസ്.ഐ ശ്രീനിവാസനെയും സി.പി.ഒമാരായ ദീപക്ക്, നിഖില്‍ എന്നിവരെയാണ് പ്രതികള്‍ അക്രമിച്ചത്. കണ്ണാടിക്കല്‍ സ്വദേശികളായ ഇര്‍ഫാന്‍, ഇമ്രാന്‍ എന്നിവരെയാണ് സംഭവത്തില്‍ അറസ്റ്റ് ചെയ്തത്.

രാത്രി ചെറൂട്ടിറോഡില്‍ വാഹന പരിശോധന നടത്തുമ്പോള്‍ അപകടകരമായ രീതിയില്‍ ഇവര്‍ ഓടിച്ചുവന്ന ബുള്ളറ്റ് കൈകാണിച്ച് നിര്‍ത്തിയത് ഇഷ്ടപ്പെടാത്തതിനാല്‍ ഇരുവരും ചേര്‍ന്ന് പൊലിസിനെ ആക്രമിക്കുകയായിരുന്നു.