കാട്ടാക്കട: സെയ്യിദ് ഹൈദ്രോസ്‌കോയാ തങ്ങളുപ്പായുടെ 76-ാം ആണ്ട് നേര്‍ച്ചയ്ക്ക് തുടക്കമായി.
നൂറ് കണക്കിന് വിശ്വാസികളെ സാക്ഷിനിര്‍ത്തി ആണ്ട് നേര്‍ച്ചയ്ക്ക് തുടക്കം കുറിച്ച് ജമാഅത്ത് കമ്മിറ്റി പ്രസിഡന്റ് എം. അബ്ദുല്‍ കലാം കൊടിയേറ്റ് നടത്തി. ജമാഅത്ത് ചീഫ് ഇമാം അബ്ദുല്‍ ഹാദി അല്‍കാശിഫി പ്രാര്‍ഥനയ്ക്ക് നേതൃത്വം നല്‍കി. ആണ്ട്‌നേര്‍ച്ചയോടനുബന്ധിച്ച് 28, 29, 30 തിയതികളില്‍ മതപ്രസംഗം നടത്തും.
മണക്കാട് വലിയപള്ളി ഇമാം ഇ.പി അബൂബക്കര്‍, ജൂനിയര്‍ കാഞ്ഞാര്‍ അല്‍ഹാഫിള് ആഷിഖ് ഇബ്‌റാഹീം, സെന്‍ട്രല്‍ ജുമാ മസ്ജിദ് ഇമാം പനവൂര്‍ നവാസ് മന്നാനി തുടങ്ങിയവര്‍ നേതൃത്വം നല്‍കും. ആണ്ട്‌നേര്‍ച്ച 31ന് നടക്കും. വൈകിട്ട് 4. 30 മുതല്‍ മൗലൂദ്, ദിക്ക്‌റ്, റാത്തീബ് നടക്കും. 6.30ന് നടക്കുന്ന കൂട്ട സിയാറത്തിന് ജമാഅത്ത് ചീഫ് ഇമാം അബ്ദുല്‍ ഹാദി അല്‍കാശിഫി നേതൃത്വം നല്‍കും.
ഒന്‍പതു മുതല്‍ ജ്ഞാനപുകഴ്ച്ചിപട്ടുപാടല്‍, ഒന്നാം തിയതി രാവിലെ ഏഴിന് അന്നദാനത്തോടെ പരിപാടികള്‍ സമാപിക്കും.