റിയാദ്: രാജ്യത്തെ മണി എക്‌സ്‌ചേഞ്ചുകള്‍ വഴിയുള്ള ഖത്തര്‍ റിയാല്‍ വിനിമയം സഊദി നിര്‍ത്തിവച്ചു. നയതന്ത്ര ബന്ധം വിച്ഛേദിച്ച സാഹചര്യത്തില്‍ സഊദി മോണിറ്ററിങ് ഏജന്‍സി (സാമ)യാണ് രാജ്യത്തെ മണി എക്‌സ്‌ചേഞ്ചുകളോട് ഖത്തര്‍ റിയാല്‍ വിനിമയം നിര്‍ത്താന്‍ ആവശ്യപ്പെട്ടത്.
ഖത്തര്‍ റിയാല്‍ വാങ്ങുന്നത് നിര്‍ത്തണമെന്നും തങ്ങളുടെ പക്കലുള്ള ഖത്തര്‍ റിയാല്‍ എത്രയും വേഗം വിറ്റഴിക്കണമെന്നും സഊദി കേന്ദ്ര ബാങ്കായ സാമ ആവശ്യപ്പെട്ടിട്ടുണ്ട്. എന്നാല്‍ ഇരുരാജ്യങ്ങള്‍ക്കുമിടയില്‍ ബാങ്ക് വഴിയുള്ള മണി ട്രാന്റസ്ഫര്‍ തല്‍ക്കാലം പഴയപടി തുടരും.