കോഴിക്കോട്: നരേന്ദ്രമോദിയെ സ്തുതിക്കുന്നവര്‍ക്ക് കോണ്‍ഗ്രസില്‍ സ്ഥാനമില്ലെന്നും അവര്‍ക്ക് ബി.ജെ.പിയിലേക്ക് പോകാമെന്നും കെ.മുരളീധരന്‍ എം.പി.
ഇക്കാര്യത്തില്‍ പ്രതിപക്ഷ നേതാവ് രമേശ് ചെന്നിത്തല പറഞ്ഞതാണ് പാര്‍ട്ടി നയമെന്നും അദ്ദേഹം സ്വകാര്യ വാര്‍ത്താചാനലിനോട് പറഞ്ഞു. മോദി നല്ലകാര്യം ചെയ്‌തെന്ന് ഞങ്ങള്‍ക്ക് അഭിപ്രായമില്ല. മോദിഭരണം തികഞ്ഞ പരാജയമാണ്. ഭൂരിപക്ഷ വര്‍ഗീയത പ്രോത്സാഹിപ്പിച്ചുകൊണ്ട് നേടിയ താല്‍ക്കാലിക വിജയം മാത്രമാണത്. സാമ്പത്തികരംഗം കുത്തഴിഞ്ഞുകിടക്കുകയാണ്. പട്ടിണിയും പരിവട്ടവുമാണ് രാജ്യത്ത് വരാന്‍പോകുന്നത്. അങ്ങനെയൊരു സാഹചര്യത്തില്‍ മോദിയെ സ്തുതിക്കേണ്ട കാര്യമില്ല. കോണ്‍ഗ്രസിന് ആന്റി മോദി, ആന്റി ബി.ജെ.പി എന്ന നയം മാത്രമേയുള്ളൂ. അതില്‍ ഒരു മാറ്റവുമില്ലെന്നും മുരളീധരന്‍ കൂട്ടിച്ചേര്‍ത്തു.