ചെറുതുരുത്തി: കേരള ആരോഗ്യ ശാസ്ത്ര സര്‍വകലാശാല ഇന്റര്‍ സോണ്‍ ചെസ്സ് മത്സരത്തില്‍ മഞ്ചേരി ഗവണ്‍മെന്റ് മെഡിക്കല്‍ കോളജ് ചാംപ്യന്മാരായി. തിരുവനന്തപുരം മെഡിക്കല്‍ കോളജ് രണ്ടാം സ്ഥാനവും തൃശൂര്‍ മെഡിക്കല്‍ കോളജ് മൂന്നാം സ്ഥാനവും നേടി. ചെറുതുരുത്തി പൂമുള്ളി നീലകണ്ഠന്‍ നമ്പൂതിരിപ്പാട് മെമ്മോറിയല്‍ മെഡിക്കല്‍ കോളജില്‍ നടന്ന മത്സരങ്ങള്‍ ഡോ. കെ.ബി സുനില്‍ കുമാര്‍ ഉദ്ഘാടനം ചെയ്തു. നാല് സോണുകളില്‍ നിന്നായി 14 ടീമുകള്‍ പങ്കെടുത്തു.