ആഷസ് ടെസ്റ്റില്‍ ഇംഗ്ലണ്ടിന് നാടകീയജയം
ആസ്‌ത്രേലിയയെ ഒരു വിക്കറ്റിന് തോല്‍പ്പിച്ചു
ബെന്‍ സ്റ്റോക്‌സ് 135* (219)

ലണ്ടന്‍: ആഷസിലെ മൂന്നാം ടെസ്റ്റില്‍ ഇംഗ്ലീഷ് ഓള്‍ റൗണ്ടര്‍ ബെന്‍ സ്റ്റോക്‌സിന്റെ കരുത്തില്‍ ഇംഗ്ലണ്ടിന് ത്രസിപ്പിക്കുന്ന ജയം. ആവേശത്തിലേക്ക് നീണ്ട മത്സരത്തില്‍ ഒരു വിക്കറ്റിനായിരുന്നു ഇംഗ്ലണ്ട് ആസ്‌ത്രേലിയയെ പരാജയപ്പെടുത്തിയത്. പത്താം വിക്കറ്റില്‍ ലീച്ചിനെ കൂട്ടുപിടിച്ചാണ് സ്റ്റോക്‌സ് ഇംഗ്ലണ്ട@ിനെ ജയിപ്പിച്ചത്. ആസ്‌ത്രേലിയ മുന്‍പില്‍വച്ച 359 എന്ന വലിയ ലക്ഷ്യം ഇംഗ്ല@ണ്ട് മറികടക്കുകയായിരുന്നു. ഒറ്റയാള്‍ പോരാട്ടം നടത്തിയ സ്റ്റോക്‌സ് പുറത്താകാതെ 135 റണ്‍സാണ് സ്വന്തമാക്കിയത്. ഇതോടെ അഞ്ചു മത്സരങ്ങള്‍ ഉള്ള പരമ്പര 1 -1 ന് സമനിലയിലായി.
ഒന്‍പതാം വിക്കറ്റ് നഷ്ടമാകുമ്പോള്‍ ജയിക്കാന്‍ 73 റണ്‍സ് വേണ്ട@ിയിരുന്ന ഇംഗ്ല@ണ്ടിനെ സ്റ്റോക്‌സ് ഒറ്റക്ക് ജയിപ്പിക്കുകയായിരുന്നു. സ്റ്റോക്‌സിന്റെ കൂടെ പുറത്താവാതെ നിന്ന ലീച് ഒരു റണ്‍സ് മാത്രമാണ് നേടിയത്. ഒരു തവണ ക്യാച്ചിന്റെ രൂപത്തിലും ഒരു തവണ റണ്‍ ഔട്ടിന്റെ രൂപത്തിലും ഭാഗ്യം ഇംഗ്ലണ്ട@ിന്റെ തുണക്കെത്തിയത് ആസ്‌ത്രേലിയക്ക് തിരിച്ചടിയായി.
ആദ്യ ഇന്നിങ്‌സില്‍ 67 റണ്‍സിന് ഓള്‍ ഔട്ട് ആയ ഇംഗ്ല@ണ്ട് രണ്ട@ാം ഇന്നിങ്‌സില്‍ മികച്ച പ്രകടനം നടത്തിയാണ് തിരിച്ചുവന്നത്. ഇംഗ്ലണ്ട@ിന് വേ@ണ്ടി ജോ റൂട്ട് 77 റണ്‍സും ഡെന്‍ലി 50 റണ്‍സും ബയറിസ്റ്റോ 36 റണ്‍സുമെടുത്ത് ബെന്‍ സ്റ്റോക്‌സിന് മികച്ച പിന്തുണ നല്‍കി. ലോകകപ്പില്‍ മികച്ച പ്രകടനം നടത്തി കിരീട നേട്ടത്തിലേക്ക് നയിച്ച ബെന്‍ സ്റ്റോക്‌സ് വീണ്ടും ഇംഗ്ലണ്ടിന്റെ ഹീറോ ആകുന്ന കാഴ്ചയായിരുന്നു കഴിഞ്ഞ ദിവസം കണ്ടത്. ഇരു ടീമുകളും തമ്മിലുള്ള നാലാം ടെസ്റ്റ് അടുത്ത മാസം നാലിന് നടക്കും.