ബ്രൊണ്‍ഡ്ബി: യുവ താരങ്ങളെ മാത്രം ഉള്‍പ്പെടുത്തി ഡെന്‍മാര്‍കിനെതിരായ സൗഹൃദ ഫുട്‌ബോളിനിറങ്ങിയ ലോക ചാംപ്യന്‍മാരായ ജര്‍മനി സമനിലയുമായി രക്ഷപ്പെട്ടു. കളിയുടെ 18ാം മിനുട്ടില്‍ ഗോള്‍ നേടി ഡെന്‍മാര്‍ക് മുന്നിലെത്തിയെപ്പോള്‍ 88ാം മിനുട്ടില്‍ ജോഷ്വ കിമ്മിച് നേടിയ ഗോളിലാണ് ജര്‍മനി സമനില സ്വന്തമാക്കിയത്.
മറ്റു മത്സരങ്ങളില്‍ ഫലസ്തീന്‍ 2-0ത്തിന് ബഹ്‌റൈനേയും അള്‍ജീരിയ 2-1ന് ഗ്വിനിയയേയും ചൈന 8-1ന് ഫിലിപ്പൈന്‍സിനേയും പരാജയപ്പെടുത്തി. ഖത്തര്‍- ഉത്തര കൊറിയ മത്സരം 2-2നും ജപാന്‍- സിറിയ പോരാട്ടം 1-1നും സമനില. മറ്റൊരു മത്സരത്തില്‍ യു.എ.ഇ 4-0ത്തിന് ലാവോസിനെ വീഴ്ത്തി.