പാലക്കാട്: പ്രഥമ സിദ്ദീഖലി വാഫി ഫോട്ടോഗ്രാഫി, റിപ്പോര്‍ട്ടര്‍ അവാര്‍ുകള്‍ സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളില്‍ നിന്ന് സുപ്രഭാതം കോഴിക്കോട് ഫോട്ടോഗ്രാഫര്‍ നിധീഷ് കൃഷ്ണന്‍, മലമ്പുഴ റിപ്പോര്‍ട്ടര്‍ അബ്ദുല്‍ ഹക്കീം എന്നിവര്‍ ഏറ്റുവാങ്ങി.
മെമെന്റോ, ക്യാഷ് പ്രൈസ്, പ്രശസ്തിപത്രം എന്നിവയടങ്ങിയതാണ് സുപ്രഭാതം ജീവനക്കാരനായിരുന്ന സിദ്ദീഖലി വാഫിയുടെ സ്മരണാര്‍ഥം ഏര്‍പ്പെടുത്തിയ അവാര്‍ഡ്. പാലക്കാട് എഡിഷന്‍ ഉദ്ഘാടനവേദിയിലാണ് അവാര്‍ഡ് നല്‍കിയത്.