പൊന്നാനി: പൊന്നാനി നഗരസഭയുടെ വാര്‍ഷിക പദ്ധതി പ്രകാരം അങ്കണവാടികള്‍ക്കുള്ള ഉപകരണങ്ങള്‍ കൈമാറി. നഗരസഭയിലെ 83 അങ്കണവാടികള്‍ക്കാണ് ഉപകരണങ്ങള്‍ കൈമാറിയത്. അങ്കണവാടികളില്‍ പ്രവേശനോത്സവത്തിന്റെ ഭാഗമായാണ് ഉപകരണങ്ങള്‍ കൈമാറിയത്.
കുക്കര്‍, സ്റ്റീല്‍ ജഗ്ഗ്, സ്റ്റീല്‍ പാത്രങ്ങള്‍, കസേരകള്‍ ബക്കറ്റ് എന്നിവയാണ് വിതരണം ചെയ്തത്. ഫുഡ് കണ്ടയ്‌നര്‍, അലമാര, സ്റ്റീല്‍ റാക്ക് എന്നിവ നേരത്തേ നഗരസഭ വിതരണം ചെയ്തിരുന്നു.
പൊന്നാനി നഗരസഭാ ഹാളില്‍ നടന്ന ചടങ്ങില്‍ നഗരസഭാ ചെയര്‍മാന്‍ സി.പി മുഹമ്മദ് കുഞ്ഞി വിതരണോദ്ഘാടനം നിര്‍വഹിച്ചു. വൈസ് ചെയര്‍പേഴ്‌സണ്‍ വി രമാദേവി, കൗണ്‍സിലര്‍ സുധ, ഐ.സി.ഡി.എസ് സൂപ്പര്‍വൈസര്‍ അംബിക, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഷീന സുദേശന്‍, വിജയ ലക്ഷ്മി സംസാരിച്ചു.