ബൈറൂത്ത്: ലബ്‌നാനിലെ സിറിയന്‍ അതിര്‍ത്തിയിലുള്ള ഫലസ്തീന്‍ കേന്ദ്രത്തില്‍ ഇസ്‌റാഈല്‍ വ്യോമാക്രമണം. സിറിയന്‍ പിന്തുണയുള്ള പോപുലര്‍ ഫ്രണ്ട് ഫോര്‍ ലിബറേഷന്‍ ഓഫ് ഫലസ്തീന്‍ എന്ന സംഘടനയുടെ കേന്ദ്രത്തിലാണ് ഇന്നലെ പുലര്‍ച്ചെ മൂന്ന് ആക്രമണങ്ങള്‍ നടന്നതെന്ന് ദേശീയ വാര്‍ത്താ ഏജന്‍സി പറഞ്ഞു. ഇറാന്‍ പിന്തുണയുള്ള ഹിസ്ബുല്ലയുടെ സഖ്യമാണ് ഈ ഫലസ്തീന്‍ സംഘടന.
അതേസമയം ഇനിആക്രമണത്തിനു തുനിഞ്ഞാല്‍ ഇസ്‌റാഈല്‍ ഡ്രോണ്‍ വെടിവച്ചിടുമെന്ന് ഹിസ്ബുല്ല നേതാവ് ഹസന്‍ നസ്‌റുല്ല മുന്നറിയിപ്പു നല്‍കി. ആക്രമണം രാജ്യത്തോടുള്ള ഇസ് റാഈലിന്റെ യുദ്ധപ്രഖ്യാപനമാണെന്ന് ലബ്‌നാന്‍ പ്രസിഡന്റ് മൈക്കല്‍ ഓന്‍ പറഞ്ഞു.