ഭാഗ്പൂര്‍: കുരങ്ങുകളുടെ കല്ലേറില്‍ പരുക്കേറ്റ 70 കാരന്‍ മരിച്ചു. സംഭവത്തില്‍ അന്വേഷണം നടത്തണമെന്നാവശ്യപ്പെട്ട് ബന്ധുക്കള്‍ രംഗത്തു വന്നു. ഭാഗ്പൂര്‍ ജില്ലയിലെ തിക്രി ഗ്രാമത്തിലായിരുന്നു സംഭവം.
ഇഷ്ടിക കളത്തില്‍ കിടന്നുറങ്ങുകയായിരുന്ന വൃദ്ധന്റെ അടുത്തെത്തിയ കുരങ്ങന്മാര്‍ അയാളെ ഇഷ്ടികയെടുത്ത് എറിയുകയായിരുന്നു പൊലിസ് പറഞ്ഞു. ഇഷ്ടികയെടുത്തുള്ള ഏറില്‍ വൃദ്ധന്‍ കിടന്നിരുന്നതിന് അടുത്തുള്ള ഇഷ്ടിക കൂമ്പാരം ഇടിഞ്ഞ് വീഴുകയായിരുന്നു. ഇതിനടിയില്‍പെട്ടാണ് വൃദ്ധന്‍ മരിച്ചതെന്നും പൊലിസ് അറിയിച്ചു.
എന്നാല്‍ പൊലിസിന്റെ വാദം മരിച്ചയാളുടെ ബന്ധുക്കള്‍ നിഷേധിച്ചു. വിറക് ശേഖരിക്കാന്‍ പോയപ്പോഴാണ് കുരങ്ങുകള്‍ ആക്രമിച്ചതെന്നാണ് മരിച്ചയാളുടെ സഹോദരന്‍ ധര്‍മപാല്‍ പറഞ്ഞത്.