റായ്പൂര്‍: ഛത്തിസ്ഗഡ് തെരഞ്ഞെടുപ്പില്‍ മത്സരിക്കുന്നവരുടെ രണ്ടാംഘട്ട സ്ഥാനാര്‍ഥി പട്ടിക ബി.എസ്.പി പുറത്തിറക്കി. 12 സ്ഥാനാര്‍ഥികളുടെ പട്ടികയാണ് ഇന്നലെ പാര്‍ട്ടി അധ്യക്ഷ മായാവതി പുറത്തിറക്കിയത്. 33 സീറ്റുകളിലാണ് മായാവതിയുടെ ബി.എസ്.പി സ്ഥാനാര്‍ഥികളെ നിര്‍ത്തിയിട്ടുള്ളത്. മുന്‍ മുഖ്യമന്ത്രി അജിത് ജോഗിയുടെ ജനതാ കോണ്‍ഗ്രസ് ഛത്തിസ്ഗഡും സി.പി.ഐയും ചേര്‍ന്നാണ് സംസ്ഥാനത്ത് മത്സരിക്കുന്നത്. അടുത്ത മാസം 12, 20 തിയതികളിലായിട്ടാണ് സംസ്ഥാനത്ത് തെരഞ്ഞെടുപ്പ് നടക്കുന്നത്. അജിത് ജോഗിയുടെ പാര്‍ട്ടി 55 സീറ്റുകളിലും ബി.എസ്.പി 33 സീറ്റുകളും സി.പി.ഐ രണ്ട് സീറ്റുകളിലുമാണ് ജനവിധി തേടുന്നത്.