തൃശൂര്‍: ഗുജറാത്തിലെ ദലിതരായ തുകല്‍ത്തൊഴിലാളികളോടും പടച്ചവന്റെ ചിത്രപ്രദര്‍ശനം എന്ന പേരില്‍ കഥയെഴുതിയതിന് യുവകഥാകൃത്ത് പി ജംഷീറിനോടും  ചെയ്ത ആക്രമണങ്ങളില്‍ പ്രതിഷേധിച്ച് യുവകലാസാഹിതി തൃശൂര്‍ ജില്ലാ കമ്മിറ്റിയുടെ ആഭിമുഖ്യത്തില്‍ പ്രതിഷേധ തിമിലവാദനം അരങ്ങേറി.
യുവകലസാഹിതി ചേലക്കര മേഖലാ സെക്രട്ടറിയും ജില്ലാ കമ്മിറ്റിയംഗവും യുവ തിമിലവാദ്യ കലാകാരനുമായ കലാമണ്ഡലം അനീഷ് ആണ് തിമില കൊട്ടി പ്രതിഷേധിച്ചത്. യുവകലാസാഹിതി സംസ്ഥാന ജനറല്‍ സെക്രട്ടറി ഇ.എം സതീശന്‍ ഉദ്ഘാടനം ചെയ്തു. സംവിധായകന്‍ പ്രേംലാല്‍ മുഖ്യാതിഥിയായി. ഡോ. വല്‍സലന്‍ വാതുശേരി, ഇ ഡി ഡേവിസ്, ഹനീഫ കൊച്ചന്നൂര്‍, പ്രേംരാജ് ചുണ്ടലാത്ത്, പാര്‍വതി പവനന്‍, ലില്ലി തോമസ് പാലോക്കാരന്‍, ഇ ആര്‍ പ്രഭ, ജ്യോതി സി വല്‍സന്‍ തുടങ്ങിയവര്‍ പങ്കെടുത്തു. യുവകലാസാഹിതി ജില്ലാ സെക്രട്ടറി സി.വി പൗലോസ് സ്വാഗതവും,  ടി ഡി ജയപാലന്‍ നന്ദിയും പറഞ്ഞു.