റിയാദ്: കെ.എം.സി.സി സൈബര്‍ വിംഗ് സൈബര്‍ മീറ്റ് സീസണ്‍ ന്റെ പ്രചരണാര്‍ത്ഥം കെ.എം.സി.സി റിയാദ് സെന്‍ട്രല്‍ കമ്മിറ്റിക്ക് കീഴിലുള്ള മുഴുവന്‍ മണ്ഡലം കമ്മിറ്റികളെയും പങ്കെടുപ്പിച്ച് നടത്തിയ ക്വിസ് മത്സരം വേറിട്ട അനുഭവമായി. ബത്ഹയിലെ അപ്പോളോ ഡിമോറ ഓഡിറ്റോറിയത്തില്‍ നടന്ന മത്സരത്തില്‍ മണ്ഡലങ്ങളെ പ്രതിനിധീകരിച്ച് 38 ടീമുകള്‍ പങ്കെടുത്തു. വിവിധ തലത്തിലുള്ള വൈജ്ഞാനിക വിഷയങ്ങള്‍ കോര്‍ത്തിണക്കി തയ്യാറാക്കിയ ക്വിസ് മത്സരം സെന്‍ ട്രല്‍ കമ്മിറ്റി സെക്രട്ടറി സുബൈര്‍ അരിമ്പ്ര നിയന്ത്രിച്ചു.

പ്രാഥമിക, ഫൈനല്‍ റൗണ്ട് മത്സരങ്ങള്‍ വഴിയാണ് വിജയികളെ കണ്ടെത്തിയത്. വണ്ടൂര്‍ മണ്ഡലം (മുജീബ്, ശിഹാബ്) ഒന്നാം സ്ഥാനവും തിരുവമ്പാടി മണ്ഡലം (നിസാര്‍, ജാസിര്‍) രണ്ടാം സ്ഥാനവും ചേലക്കര മണ്ഡലം (ഉസ്മാന്‍, ഉമറുല്‍ ഫാറൂഖ്) മൂന്നാം സ്ഥാനവും മഞ്ചേശ്വരം മണ്ഡലം (ആരിഫ് ബാഖവി, റഹീം സംഗല്‍) നാലാം സ്ഥാനവും കോങ്ങാട് മണ്ഡലം (സിദ്ദീഖ് കരിമ്പ്ര, സിറാജ് മണ്ണൂര്‍), കൊണ്ടോട്ടി മണ്ഡലം (ഗഫൂര്‍, ജാഫര്‍) എന്നീ മണ്ഡലങ്ങള്‍ അഞ്ചാം സ്ഥാനവും നേടി. സെന്‍ ട്രല്‍ കമ്മിറ്റി ആക്ടിംഗ് പ്രസിഡണ്ട് അബ്ദുസലാം തൃക്കരിപ്പൂര്‍, ശുഹൈബ് പനങ്ങാങ്ങര, കെ.ടി.അബൂബക്കര്‍, മാമുക്കോയ ഒറ്റപ്പാലം, അബ്ദുല്‍ മജീദ് കെ.പി എന്നിവര്‍ സമ്മാനങ്ങള്‍ വിതരണം ചെയ്തു.

സെപ്തംബര്‍ ആറിന് റിയാദ് എക്‌സിറ്റ് 18 ലെ മര്‍വ ഇസ്തറാഹയില്‍ നടക്കുന്ന സൈബര്‍ മീറ്റിന്റെ രജിസ്‌ട്രേഷന്‍ ഉദ്ഘാടനം സെന്‍ട്രല്‍ കമ്മിറ്റി സെക്രട്ടറി സത്താര്‍ താമരത്ത് നിര്‍വ്വഹിച്ചു. സുഹൈല്‍ കൊടുവള്ളി, ശഫീഖ് കൂടാളി, ജാബിര്‍ വാഴമ്പുറം, സഫീര്‍ തിരൂര്‍, ഷബീര്‍ ചക്കാലക്കല്‍, ഷബീര്‍ കുളത്തൂര്‍, ഹിദായത്ത് ഇരുമ്പുഴി, അന്‍ഷദ് തൃശ്ശൂര്‍, ഷാഹുല്‍ ചെറൂപ്പ, ഉസ്മാന്‍ എം.പരീത്, ഇഖ്ബാല്‍ തിരൂര്‍, ജുനൈദ് മാവൂര്‍, ഷബീല്‍ എന്നിവര്‍ നേതൃത്വം നല്‍കി.