ശ്രീനഗര്‍: ജമ്മു കശ്മീരിലെ കുല്‍ഗാമില്‍ സൈനിക- തീവ്രവാദീ ഏറ്റുമുട്ടല്‍. മൂന്നു തീവ്രവാദികളെ വധിക്കുകയും രണ്ടു സൈനികര്‍ക്ക് പരുക്കേല്‍ക്കുകയും ചെയ്തു. നേരത്തെ, ഇവിടെയുണ്ടായ സ്‌ഫോടനത്തില്‍ അഞ്ച് നാട്ടുകാര്‍ കൊല്ലപ്പെട്ടു.

നാല്‍പതോളം പേര്‍ക്ക് പരുക്കേറ്റിട്ടുണ്ട്.

ഏറ്റുമുട്ടല്‍ അവസാനിപ്പിച്ച് സൈനിക പിന്മാറ്റം നടത്തിയപ്പോള്‍ നാട്ടുകാര്‍ സ്ഥലത്തേക്ക് ഓടിയടുക്കുകയായിരുന്നുവെന്ന് പൊലിസ് പറഞ്ഞു. ഇതോടെയാണ് സ്‌ഫോടനമുണ്ടാവുകയും അഞ്ചു പേര്‍ കൊല്ലപ്പെടുകയും ചെയ്തത്. ഉഗ്രസ്‌ഫോടനമുണ്ടായത് എങ്ങനെയെന്ന് വ്യക്തമല്ല. ഭീകരര്‍കരുതിയ സ്‌ഫോടകവസ്തുക്കളാകാമെന്നാണ് കരുതുന്നത്.

മേഖലയില്‍ തീവ്രവാദീ സാന്നിധ്യമുണ്ടെന്ന അറിയിപ്പു ലഭിച്ചതിനെത്തുടര്‍ന്ന് സൈനിക തെരച്ചില്‍ നടത്തുന്നതിനിടെ വെടിവയ്പ്പിലേക്ക് നീങ്ങുകയായിരുന്നു.