പത്തനംതിട്ട: ശബരിമലയില്‍ യുവതികള്‍ കയറിയാല്‍ നട അടയ്ക്കുമെന്ന് പറയുന്ന പന്തളം രാജകുടുംബം നാട്ടില്‍ രാജഭരണമല്ല, ജനാധിപത്യമാണെന്ന് മറക്കരുതെന്നു മന്ത്രി എംഎംമണി പറഞ്ഞു. നട അടച്ചിടുമെന്ന പറയുന്ന തിരുമേനി ശമ്പളക്കാരന്‍ മാത്രമാണെന്നും അദ്ദേഹം പറഞ്ഞു. യുവതികള്‍ കയറിയാല്‍ നട അടയ്ക്കുമെന്ന പന്തളം രാജകുടുംബാത്തിന്റെ നിലപാടിനെ വിമര്‍ശിക്കുകയായിരുന്നു മന്ത്രി എം.എം മണി.

അതേസമയം, ശബരിമല ക്ഷേത്രത്തിന്റെ നട അടച്ചിടാന്‍ ആവശ്യപ്പെടാന്‍ രാജകുടുംബത്തിന് അവകാശമുണ്ടെന്ന് പന്തളം രാജ കുടുംബാംഗം ശശികുമാരവര്‍മ്മ ആവര്‍ത്തിച്ചു. അവകാശമുള്ളതുകൊണ്ടാണ് തന്ത്രിക്കു കത്തു നല്‍കിയത്. സംശയമുള്ളവര്‍ക്ക് പഴയ ഉടമ്പടി പരിശോധിക്കാം- വര്‍മ്മ പറഞ്ഞു.