ഗുരുവായൂര്‍: മലമ്പാമ്പിനെ സാഹസികമായി പിടികൂടിയ നാട്ടുകാര്‍ പിന്നീടതിനെ കാട്ടിലുപേക്ഷിക്കാനാവാതെ പുലിവാല് പിടിച്ചു.
ചൊവ്വല്ലൂര്‍ വലിയകത്ത് താഹിറിന്റെ വീട്ടുവളപ്പില്‍ നിന്നാണ് ആറടിയോളം നീളമുള്ള മലമ്പാമ്പിനെ കഴിഞ്ഞദിവസം നാട്ടുകാര്‍ പിടികൂടിയത്. രാത്രി ഒമ്പത് മണിക്കാണ് സംഭവം. ഉടന്‍തന്നെ ഫോറസ്റ്റ് ഓഫിസില്‍ വിവരമറിയിച്ചെങ്കിലും വാഹനസൗകര്യമില്ലാത്തതിനാല്‍ വരാന്‍ കഴിയില്ലെന്നായിരുന്നു മറുപടി. ഇതേ തുടര്‍ന്ന് നാട്ടുകാര്‍ കുഴങ്ങി. പിന്നീട് രാത്രി തന്നെ വണ്ടി വാടകക്ക് വിളിച്ച് പാമ്പിനെ എരുമപ്പെട്ടി ഫോറസ്റ്റ് ഓഫിസില്‍ എത്തിച്ചു.